ရခိုင်

မြောက်ဦးမြို့
ရခိုင်ပြည်၏(၁၄)မြို့ရှိရေအနက် တစ်မြို့ အဖြစ်ပါဝင်ရေ ရှေးဟောင်းမြို့တော် မြောက်ဦးမြို့(ယခင်အခေါ်-မြို့ဟောင်း)ဖြစ်ပါရေ။ ရခိုင်ဘုရင်မင်းစောမွန်ပြင်ပြုမြို့မြောက်ဦးပါ။ရခိုင်ဘုရင်တိ ကိုယ့်ထီးကိုယ့်နန်းနန့် နိန်ထိုင်ကြီးစိုးခပြီး ထီးမွေ၊နန်းမြေ၊တည်ထား ကိုးကွယ်ခကတ်တေ
စေတီပုထိုး ရှေးဟောင်းအမွှီအနစ်များ တည်ထားစံရှိရာ မြို့တစ်မြို့ဖြစ်ပါရေ။တောင်စွယ်တောင်တန်းများနန့်ပါတ်ပနာ ၀ိုင်းရံကာစီးထားရေ မြို့ပါ၊ရေမြေသဘာဝကောင်းမွန်မှုကြောင့် ဆန်ရေစပါး သစ်သီးဝလံ ပြည့်ဝပြည့်လျှံ ပွားကြွယ်ပွားများလှပါရေ။

မြောက်ဦးမြို့ကို လာရောက်ဘုရားဖူးမျှော်ချင်ရေဆိုပါကေ ရခိုင်ပြည်၏မြို့တော်စစ်တွေမြို့က တစ်ဆင့်သော်လည်းကောင်း၊ မင်းပြားမြို့ကသော်လည်းကောင်း၊ကျောက်တော်မြို့ကသော်လည်းကောင်း လာရောက်နိုင်ပါရေ။

ရခိုင်ပြည်၏မြို့တော်စစ်တွေမြို့မှဆိုကေ ရေလမ်းခရီးအဖြစ် သင်္ဘော၊အမြန်ယာဉ်၊စက်လှေ(ဘုတ်)ရို့နန့်လာနိုင်ပါရေ။ခရီးစဉ်မှာ ရခိုင်ပြည်၏မြို့တော်စစ်တွေမြို့မှပုဏ်ဏားကျွန်းမြို့(ဥရာဇ်တောင်စေတီ ဖူးမျှော်နိုင်)၊မြောက်ဦးမြို့နယ် စက်သားရွာ၊ပျားတဲရွာ မှ မြောက်ဦးမြို့ကို ရောက်ပါဖို့။ကုန်းလမ်းခရီးအဖြစ် ရခိုင်ပြည်၏မြို့တော် စစ်တွေမြို့မှ ပုဏ်ဏားကျွန်းမြို့(ဥရာဇ်တောင်စေတီ ဖူးမျှော်နိုင်)၊မြောက်ဦးမြို့နယ် ကန်စောက်ရွာ၊ကျောက်တော်မြို့(ကျောက်တော်တောင် မြတ်စွာဘုရားကြွချီသီတင်းဆောက်တည်ခရေ ခြေတော်ရာ) ၊ကျောက်တော်မြို့ ရခိုင့်မဟာမြတ်မုနိရုပ်ပွားတော်ဖူးမျှော်နိုင်၊မြောက်ဦးမြို့နယ် ဝေသာလီရွာ(ရှေးဟောင်း နန်းရာ၊ဘုးရား၊တံတိုင်း၊ကျုံးရိုး များဖူးမျှော်နိုင်)၊ရခိုင်ပြည် မြောက်ဦးမြို့ကိုရောက်ပါဖို့။ကုန်းလမ်းခရီးအဖြစ် ရခိုင်ပြည် မင်းပြားမြို့ ကဆိုကေ(မင်းပြားကျိန်းတောင် ဘုရားဖူးမျှော်နိုင်)၊မြောက်ဦးမြို့နယ် မြောင်းဘွေရွာ(ကွမ်းသီးတော)၊ရခိုင်ပြည် မြောက်ဦးမြို့ကို ရောက်ပါဖို့။မြောက်ဦးမြို့ရေ ရန်ကုန်-စစ်တွေ ကားလမ်းမကြီးပေါ်မှာရှိပါရေ။၁၉၈၀ ၀န်းကျင်လောက်မှာ စစ်တွေ-မြောက်ဦး လေယာဉ်ခရီးစဉ်ကို ရုပ်သိမ်းလခပါရေ။ ရခိုင်ပြည် မြောက်ဦးမြို့၏ ဘုးရားများကို ဖူးဖို့ဆိုကေ ကား၊မြင်းလှည်း၊ဆိုက်ကား၊မော်တော်ဆိုင်ကယ်၊စက်သီး(ဘီး)၊ခြေလျင် ဖူးမျှော်နိုင်ပါရေ။

ကျွန်တော်က မြောက်ဦးမြို့ခံ တစ်ယောက်အနိန်နန့် နှစ်စဉ်အမြဲ ဘုးရားဖူးလာရေ ဆွေမျိုးမိတ်သဟာတိကို ဘုရားစုံ လိုက်ပို့ပီးခဖူးပါရေ။ရခိုင်ပြည်နယ် မြောက်ဦးမြို့က ကိုယ့်ဘ၀တက်လမ်းအတွက်၁၉၉၃-ခုနှစ်ကစပြီးထွက်လာစွာပါ။၁၉၉၅-၁၉၉၉-ခုနှစ်ထိ ဂျပန် တိုကျို၊၂၀၀၂-ယခုထိ အမေရိက နယူးယောက်မှာပါ။ဘုးရားစုံဖူးမျှော်ပုံကို သိလိုပါက စာရေးထားခပါ၊

ကျေးဇူးတင်ပါရေ

စောမွန်(မြောက်ဦး)